د افغانستان غوره لیګ (APL) ځانګړې مراسم به په متحده عربي اماراتو کې ترسره شي
د هیواد د کرکټ بورډ چارواکو د سې شنبې په ورځ اعلان وکړ چې د سیالۍ وخت او ځای به د دې میاشتې د ۲۰مې نیټې لپاره په ټاکل شوي ځانګړي پروګرام کې وټاکل شي، او نور جزئیات به یې له هیوادوالو او علاقه مندو اړخونو سره شریک شي.
د کرکټ بورډ په خبرپاڼه کې راغلي چې د افغانستان د غوره کرکټ لیګ په دوهم پړاو کې د پانګونې حق ITW-TG ته لیږدول شوی دی.
چارواکو زیاته کړه چې د سیالۍ وخت او ځای باید د روان کال په اګست کې اعلان شي، خو د اداري پروسیجرونو او ځینو تخنیکي ستونزو له امله دا پروسه وځنډول شوه.
د افغانستان د سوداګریزو شل اوریزو کرکټ لیګ دوهم پړاو، چې د هیواد د کرکټ بورډ تر چتر لاندې ترسره کیږي، د پیل لپاره چمتو دی پداسې حال کې چې د سیالۍ لومړی پړاو په ۲۰۱۸ کال کې د متحده عربي اماراتو په شارجه کې ترسره شو.
په دې پړاو کې، د بلخ لوبډلې په وروستۍ لوبه کې د کابل ځوانانو لوبډلې ته ماتې ورکړه او د دې سیالیو د لومړي فصل اتل شو.
په هرصورت، لیګ دوام ونه کړ او په راتلونکو کلونو کې د مختلفو ننګونو او ستونزو له امله وځنډول شو.
لومړی نظر وکړئ on "د افغانستان غوره لیګ (APL) ځانګړې مراسم به په متحده عربي اماراتو کې ترسره شي"