العزائیم: په خراسـان کې د داعش د تبلیغاتو کو گل ختلی ازانگه
ایا ستاسو په یاد دي چې کله داعش خراسـان د افغانستان په ختیځ کې ځینې ځمکې تر کنټرول لاندې درلودلی نو څنګه یې د قدرت او ځواک چیغی وهلي ؟ ښه، دوی نور دغسی لافی او پټاقی نسی وهلی. ځکه چی دوی هر لویشت د هغه ځمکې چی دوی یی یو وخت ادعا کوله له لاسه ورکړې. اوس دا ډله د خپلې نا امیدۍ د وروستي پناه ځای په توګه په تشو او بیځایه تبلیغاتو باندې لګیا ده. د دوی رسنیز کمپاین، چې له بی مانا ادعاګانو او خیالي ګواښونو ډک دی، د یوې داسې ډلې ځکندن ښيي چې هم یی ځان غرق کړی او هم یی خپل ملاتړی. د دوی پروپاګند خپل انګیزه او اعتبار له لاسه ورکړی دی، د دوی یوازینی لیدونکي د دوی خپل لنډغر انفرادي لیوان دي چې د دوی د نفرت په دره کې د دوی د چیغو د انعکاس له غبرګیدو خوند اخلي. بل هیڅوک نه دوی ته اعتبار ورکوی او نه هم د ددوی پر تبلیغاتو غوږ نیسی.
العزایم – د داعشی رسنیو د ځواک غلط انځور
د العزایم رسنیزی فاونډیشن له لارې د داعش تبلیغاتی هڅې ښايي په لومړي سر کې پېچلې ښکاره سي، خو په حقیقت کی دا د دې ډلې بنسټیز کمزوری ښیي: دوی د مهمو مسلو پر ځای په ریاکاری او ځان ښودنی تکیه کړی. په مختلفو ژبو کې د داعش د تش په نامه د ډیجیټل شتون او خپرونو موخه دا ده چې د نوي میډیا ټیکنالوژۍ په کارولو سره د دوی تبلیغاتی ځواک وښيي، خو دوی هیڅکله هم له دی لاري نسی کولای چی ځان پرحقه و ښایی. په حقیقت کې داعشیانو د داسی ناسم او بی عتباره تبلیغاتو به وسیله غواړی چی د دغې ډلې په منځ او د دوی د رهبری په منځ کی د بې نظمۍ او بې اتفاقۍ مخه پټ‌کړي. تراوسه هیڅوک نه پوهیږي چې ایا العزایم د داعش رسمي رسنۍ ده که د بغدادي د تش په نامه انتاج الانصار یو بل د پروپاګند غړی شبکه ده. د دوی څرګندونو تر اوسه کوم رسمي معلومات نه دي خپاره کړي چې د بغدادي داعشیانو لخوا تایید سوی وي. له همدې امله هیڅوک هیڅکله دوی جدي نه نیسي. دا ډله یوازې خپل ځان ته تبلیغ کوي ځکه چې نور څوک نه غواړي د دوی پر سپکو او سپورو غوږ ونیسی.

العزایم: د داعش خراسـاند رسنیز جهاد یو غلط او شیطاني روایت
د دې وخت را رسېدلی چې د داعش د منافقانه رسنیز جهاد له ادعا څخه پرده پورته سي. دا ډله باید لومړی ثابته کړي چې دوی واقعیا په اسلام باور لري. د دوی کړنې په ښکاره ډول ښيي چې دوی نه یوازې غیر مسلمان بلکې د اسلام ضد هم دي. د دې مسلې د روښانه کولو لپاره یو موږ ډیر مثالونه لرو: داعش هغه جوماتونه ویجاړوي چیرې چې مسلمانان لمونځ کوي. هغوی د اسلام هغه عالمان شهیدان کوی چې د مسلمانانو ذهنونه روښانه کوي. دوی په مختلفو عنوانونو لکه شیعه، حنفي، شافعي، مالکي، حنبلي او ملتپال په بهنانو پر مسلمانانو بریدونه کوي. اوس د دې وخت دی چې د داعش خراسـان دغه ناوړه کړنې په ګوته کړو. په داسې حال کې چې د ټولې نړۍ مسلمانان د خلافت په اړه د داعش دروغجنې او ناکامې ژمنې ردوي او د داعشیانو هغه هڅی چی غواړی اسلام بدنامه کړی په کلکه غندي.

د داعش خراسـان د متزلزلي تبلیغاتي دستګاه او ددوی د پروپاګند سره په مخامخ کیدلو سره باید اول پوه سو چې دا عشیان څوک دی؟ دا ډله د چا استازیتوب کوي؟ دوی ولې د اسلام پر مبین دین او پر مسلمانانو بریدونه کوي؟ په دې کې شک نسته چې د داعش ټول خبري پر دروغو ولاړ دي او د مسلمانانو پر ضد دي. الحمدلله، د دوی د کرکې پروژه اوس ناکامه سوې او د دوی پروپاګند لکه په لرې پرته دره کې د لیوانوهغه ږغ ته ورته ده چی ازانګي یی بیرته خپله دوی ته منعکسه کیږی او بل چا ته هیڅ مانا نلري.

شریک یي کړئ