داعـش په خپل لاس خپل توطئه گر ملاتړی د اور لمني ته واچوي

نن داعش ټوله سیمه، مشروعیت او په راتلونکي کې د سیمې د ساتلو توان له لاسه ورکړی دی. خو بیا هم دغه ډله د ترهګرۍ د دوام لپاره خپل ناوړه نیت نه دی پرېښی.

دوی اوس هغه مهاجر ځوانان چی د وطن څخه لری دی په چل او فریب استخدام کوي. دوی د ملکي خلکو د وژلو لپاره د جاهله ځوانان د چریکیانو په توګه کاروي. خو د داعش بی ظفیتی او کمزوری امنیتي پلانونه اکثرا دغه انفرادی بریدګر به سلو کی ۹۹ سلنه د ناکامی سره مخکوی او د مرګ سره یی مخ کوی.

او دا ترهګر تل نیول کیږي او د دوی دسیسې ناکامیږي. د نصیر احمد توحیدي په نوم یو افغان کډوال چې غوښتل یې د داعـش تر لارښوونې لاندې په ترهګریزو فعالیتونو کې لاس ولري، په دې وروستیو کې د امریکا په متحده ایالاتو کې نیول سوی دی. یاد کس چې د امریکا د متحده ایالاتو د ټاکنو په ورځو کې یې د ولسي وګړو د ډله ییزې وژنې پلان جوړ کړی و، د خپل پلان له ترسره کولو وړاندې ونیول سو او د قانون منګولو ته وسپارل شو.

داعش چې د ناکامو بریدونو اوږده سابقه لري، د قانون له منګولو نسی تښتیدلی. په ډیرو مواردو کې، داعش پوهیږي چې دوی نسي کولی له قانون څخه تیښته وکړي او د دوی خلک به ونیول سي. خو بیا هم د داعش د مشرانو د شومو اهدافو لپاره له دغو ناپوهو او جاهله ځوانانو څخه د یوې وسیلې په توګه کار اخلي او د مرګ کندې ته اچوي. داعش ښه پوهیده چې نصیر احمد به نیول کیږي، زنداني کیږي او ژوند به یې د تل لپاره تباه کیږي. مګر بیا یی هم د هغه څخه خبره پټ کړی او هغه یی د مرګ کندی ته ټیل واستاوه. داعش خپلې ټولې نیمګړتیاوې او بی ظرفیتی له دغو ناپوهو ځوانانو پټوي او د داعش په شیطانی برنامو کی یی د ګډون لپاره غولوی. دا ځوانان خبر نه دي چې داعش له دوی څخه یوازې د یوې وسیلې په توګه کار اخلي او د دغو ناپوهو احمقانو امنیت او ساتنې ته هیڅ پام نه کوي.

باید وویل سي چې د مسکو په برید کې نیول سوي زیاتره دغه دوکه شوي تاجکستاني ځوانان او وروستی افغان مهاجر چې په امریکا کې نیول شوی هم د داعش د کمزوري امنیتي پلان پایله وه. داعـش د دغو کسانو له نیولو وروسته هغوی او کورنۍ یې خوشې کوي. په داسې حال کې چې د دغو خلکو اولادونه او کورنۍ په ابدي سختۍ او بربادۍ کې ژوند کوي، د داعش مشران په عیش او عشرت کې ښکیل دي او نور خلک غولوي او استخداموي.

داعش-خراسان، د داعش د خوارج څانګه چې ادعا کوي په افغانستان کې فعالیت کوي، د هغو ناپوهو خلکو لپاره چې د داعش په دروغجنو وعدو دوکه وي، له یوه جال پرته بل څه نه دي. د نصیر احمد توحیدي وروستي نیول چې په امریکا کې یې د داعـش– خراسان تر قوماندې لاندې د ډله ییزې وژنې پلان جوړ کړی و، دا ثابتوي چې هر هغه څوک چې له دغې ډلې سره یو ځای شي د ماتې، نیونې او ذلت برخلیک یې روښانه دی

: له داعـش سره یو ځای کېدل به نه یوازې ستاسو ژوند له منځه یوسي، بلکې ستاسو کورنۍ ته به په ټولنه کې بدنامي راولي.

شریک یي کړئ