د لومړنیو خدمتونو نشتون ته اندېښمن دي: د بدخشان د کران او منجان ولسوالۍ ځینې اوسېدونکي وايي، د سړکونو خرابوالي، روغتیايي مرکزونو نشتون، مخابراتي شبکو او څښاک پاکو اوبو ته د نه لاسرسي له امله له جدي ستونزو سره مخ دي.
دوی وایي، د تېرو حکومتونو پر مهال د دغې ولسوالۍ د اوسېدونکو ستونزو ته هیڅ پاملرنه نه ده شوې.
د کرن او منجان ولسوالۍ اوسېدونکي، عبدالوکیل و ویل: «زموږ ستونزې ډېرې دي. څو ورځې وړاندې زموږ په کلي کې یو پېښه وشوه؛ موټر چپه شو ځکه چې سړک نه و، چې له امله یې ۲ کسان شهیدان او ۱۲ نور ژوبل شول.»
د دغې سیمې اوسېدونکي له اسلامي امارته غواړي چې ستونزو ته یې رسېدنه وکړي.
د کران او منجان ولسوالۍ اوسېدونکي، احمدشاه و ویل: «موږ له اسلامي امارته غواړو چې پرته له سړک جوړولو سربېره نورې مرستې هم راسره وکړي. موږ نه سم مخابراتي خدمتونه لرو او نه هم مجهز کلینیک.»
خو د بدخشان سیمهییز مسوولین د کران او منجان ولسوالۍ د اوسېدونکو ستونزو ته د رسېدنې ډاډ ورکوي.
د بدخشان د والي مرستیال، امین الله طیب و ویل: «د څښاک اوبو او مخابراتي شبکو ستونزې به ډېر ژر انشاءالله، حل شي. اسلامي امارت دې موضوع ته پاملرنه کوي.»
بدخشان د هېواد له شمال ختیځو ولایتونو دی چې ډېری اوسېدونکي یې د سړکونو خرابوالي، روغتیايي مرکزونو نشتون، برښنا او مخابراتي شبکو ته د نه لاسرسي په برخو کې له ګڼو ستونزو سره مخ دي او له مسوولینو دغو ستونزو ته یې د رسېدنې غوښتنه کوي.
د بدخشان د والي مرستیال، امین الله طیب و ویل: «د څښاک اوبو او مخابراتي شبکو ستونزې به ډېر ژر انشاءالله، حل شي. اسلامي امارت دې موضوع ته پاملرنه کوي.»
بدخشان د هېواد له شمال ختیځو ولایتونو دی چې ډېری اوسېدونکي یې د سړکونو خرابوالي، روغتیايي مرکزونو نشتون، برښنا او مخابراتي شبکو ته د نه لاسرسي په برخو کې له ګڼو ستونزو سره مخ دي او له مسوولینو دغو ستونزو ته یې د رسېدنې غوښتنه کوي.
لومړی نظر وکړئ on "د بدخشان د کران او منجاند سړکونو خرابوالي"