فراه کې یو شمېر ځوانان وايي د لوړو مهرونو او دودونو له امله په اسانۍ ودونه نشې کولای.

دغه ځوانان وايي د مهرونو او واده لګښتونه برابرول پنځه تر لس کاله وخت اخلي چې دوی د ګډ ژوند خاوندان شي.

۳۰ کلن محمد یونس څپاند د فراه اوسېدونکی دی چې څلور کاله یې له کوژدنې تېرېږي خو د تنګلاسۍ او مالي امکاناتو نشته والي له امله نشې کولای چې واده وکړي.

د نجلۍ کورنۍ ورته د واده مهر ۷۰۰ زره افغانۍ ټاکلی خو هغه په دومره وخت کې د یو سوداګر په مرسته یوازې ۳۵۰ زره افغانۍ برابرې کړې دي. له پوهنتون څخه تر فراغت وروسته څپاند له یو خیریه بنسټ سره کار کوي او په میاشتني ډول لس زره افغانۍ معاش اخلي.

د فراه اوسېدونکی، محمد یونس څپاند و ویل:《زه په ۲۰۱۹ کال کې له پوهنتون فارغ شوم، له هغه وروسته چې مې کوژده وشوه، هغوی ماته ۷۰۰ زره افغانۍ د ډالۍ په توګه راکړې، له هغه معاش سره چې ما ترلاسه کوي، زه نشم کولی د لسو کلونو لپاره د خپل واده مهر ادا کړم. زه په دې عاید سره واده نشم کولی، له لسو تر پنځلسو کلونو پورې وخت نیسي. که سوداګر له ما سره همکاري نه وای کړې، ما به دومره ژر خپل مهر نه وای ورکړی. زما په څیر ډیری ځوانان د څو کلونو لپاره واده شوي او لا هم نه دي توانیدلي چې واده وکړي.

 د فراه اوسېدونکي، جواد طلوع نیوز ته و ویل: “د مهرونو نذرانې ډېرې دي، له وسيلې پرته له ٨٠٠ تر نهه سوه زره افغانيو پورې مهر ورکوي، بايد کم وساتل شي. زما په څېر ډېر ځوانان شته چې کلونه کلونه يې نه شي ورکولى. زه د نجونو له پلرونو څخه غوښتنه کوم چې مهرونه کم کړي ترڅو د هجرت لاره خپله نه کړي.»

په همدې حال د فراه یو شمېر دیني عالمان د ودونو لوړ لګښتونه چې کورنۍ یې د پرې کولو وس نلري د شریعت خلاف کړنه بولي.

دیني عالم، شراف الدین و ویل: “مهر بايد کم وي، چې ځوانان يې ادا کړي، ځکه چې ډېرې کورنۍ یې د ورکړې توان نه لري، بايد له شرعي احکامو سره سمون ولري.”

خو د فراه د امر بالمعروف او نهي عن المنکر ریاست وايي هڅه کوي چې د دیني عالمانو او جوماتونو امامانو تبلیغ پوسیله د ودونو لګښتونو کموالي په اړه خلکو ته عامه پوهاوی ورکړي.

د پوهنې وزارت د ښو او بدو د مخنیوي مشر عبدالمجید صمیم وايي، هڅه کوو چې د دیني عالمانو او د جوماتونو د امامانو د تبلیغ له لارې خلک د ودونو د لګښتونو د کمولو په اړه خبر کړو.

دا په داسې حال کې ده چې له دې وړاندې هم د هېواد بېلابېلو برخو کې د مهرونو لوړوالي او ودونو لګښتونو په اړه اندېښنې مطرح شوې وې چې ډېری ځوانان ددغو لوړو لګښتونو برابرولو لپاره له هېواده دباندې په ناقانونه لارو تګ ته اړ شوي دي.

منبع