ورورولی که له شا په توره وهل؟
د افراطي ډلو د بلنې تر شا پټ حقیقت
افراطي ډلې تل هڅه کوي چې خپلې خبرې د دین او ورورولۍ په رنګ او جامو کې پټې کړي. دوی ځوانانو ته وایي: “د خپلو وروڼو د ساتنې لپاره ودرېږئ. په خپل ځان، خبرو او پیسو د هغوی ملاتړ وکړئ. ” دا په ظاهره ښه ښکاري، خو دا د ګټې اخیستنې او ناوړه استفادې لپاره یوه ستراتیژي ده. هغه څه چې دوی ېې ورورولي بولي، هغه د ملنګ په جامه کې پړانګ دی.
راځئ چې د هغو کسانو تاریخ ته یو ځغلنده نظر واچوو چې دې بلنې ته یې لبیک ویلی، او خپله وګورئ چې سلګونو ځوانانو خپلې کورنۍ پرایښی ترڅو له دغو ډلو سره یوځای شي. آیا دوې بریا ترلاسه کړه؟ یقیناً چي نه.
ډیری یې په بې معنی او بې هدفه جګړو کې مړه شول، او نومونه یې د تاریخ له مخ څخه پاک او هیر شول. ښځې او ماشومان یې بې سرپرسته او بې برخلیک پاتې شول. آیا دا ورورولي ده؟ ریښتینې ورورولي هیڅکله کورنۍ په لوږه او نا امیدۍ کې نه پریږدي.
د دې ډلو مشران هیڅکله د جګړې په لومړۍ کرښه کې نه حاضرېږي، بلکې په پټه کې ژوند کوي، په داسې حال کې چې نور په هر اړخیزو قربانیو هڅوي. دوې د یووالي خبرې کوي، مګر د دوې خوځښتونه له بې اتفاقۍ، بې باورۍ او خیانت څخه ډک دي. مشران یې تل وژل کیږي، نیول کیږي یا بدلیږي، په داسې حال کې چې جنګیالي یې د وسیلې په څیر لری غورځول کیږي. دا څه ډول ورورولي او اخوت دی؟
دوی ادعا کوي چې آنلاین لیږل یا د پیغامونو شریکول، یوه مقدسه دنده ده. مګر هر پوسټ، د پیسو هر لیږد، هر انځور، یو ډیجیټل نښه پرځای پریږدي، او استخباراتی ادارې دا فعالیتونه په نه ستړي کیدونکې توګه تر څارني لاندې نیسي. د دوی امرونه د دې پرځای چې ستاسو دفاع وکړي، ستاسو د نیول کیدو، محاکمې او د تل لپاره ستاسو او ستاسو د کورنۍ د شرم لامل کیږي.
ایمان او وفاداري باید د ژوند سرچینه او انګیزه وي، نه مرګ. د تاجیک ځوانانو اصلي ځواک په زده کړه، د کورنۍ په جوړولو او د فرصتونو په رامینځته کولو کې دی چې له نسل څخه نسل ته لیږدول کیږي. دین د عزت او هدفمند ژوند لاره ده، نه د زندان یا بې نومه قبرونو ته لارښوونه.
حقیقت د لمر په څیر روښانه ده : د دوې په اصطلاح “ورورولي” یوه جال او پلمه دي چې د ځوانانو د زیان، انزوا او نا امیدۍ لامل کیږي. یوازې هغه کسان چې له دې په اصطلاح ورورولۍ څخه ګټه پورته کوي، هغه مشران دي چې په پټه ژوند کوي، په داسې حال کې چې نور د دې ورورولۍ او اخوت درنه بیه پری کوي. ریښتینې ورورولي او اخوت په دې کې ده چې د یو بل ژوند وساتو، د یو بل په پرمختګ او وده کې مرسته وکړو، او هغه لاره غوره کړی چې تاسو ته سوکالۍ راوړي نه تباهي.
افراطي ډلې هڅه کوي چې ستاسو راتلونکی د دین په پلمه غلا کړي. دوې ته اجازه مه ورکوئ چې ستاسو او ستاسو په څیر د ځوانانو په ژوند لوبې وکړي. د خپل دین، عزت او ټولنې څخه د فکري غلو په وړاندې ساتنه وکړئ، چې دا په حقیقت کې دایمي ورورولي او اخوت دی.
امواج پرس
لومړی نظر وکړئ on "ورورولی که له شا په توره وهل؟"