د افغاني سرې میاشتې مسوولین وايي، په تېره یوه میاشت کې په هېواد کې پر زړه سوري اخته څه باندې ۱۰۰ ماشومانو ته يې د درملنې زمینه برابره کړې.
د دغې ټولنې ویاند زیاتوي، د روغتیايي کلنیکونو او ګرځنده ټیمونو له لارې څه باندې ۱۹ زرو کسانو ته روغتیايي خدمات وړاندې شوي.
د افغاني سرې میاشتې ټولنې ویاند، مدثر همراز وايي: «په تېره یوه میاشت کې شاوخوا، ۱۰۷ د زړه سوري ناروغان په کور دننه ځينو روغتونونو ته ور پیژندل شوي دي.»
بل پلو هغه کورنۍ چې ماشومان یې د سوري زړه ناروغۍ لري، وايي چې دوی له ډېرو اقتصادي ستونزو سره مخ دي او پر دې خوښ دي چې د دې ټولنې له لوري یې د ماشومانو درملنه شوې ده.
د ناروغ ماشوم پلار، احسان الله هم وايي: «اقتصادي ستونزې مو درلودې، تېر کال مو نوملیکنه وکړه، ۱۰ ورځې مخکې مې ورسره اړیکه ونیوه او ناروغ یې وغوښت.»
خو د ماشومانو د زړه د سوري کېدو لاملونه کوم دي؟
د زړه جراح ډاکټر، نعمت الله ظفري په دې اړه وايي:«دغه ناروغي بیلابیل لاملونه درلودای شي، له کورنیو ودونو پیل تر خپل سرو درملو خوړولو پورې، چې مېندې یې د مینداورۍ پر مهال استعمالوي. ځينو مېندو ته داسې ناروغۍ هم پیدا کیږي چې په جنینو کې د زړه ناروغۍ لامل کیږي.»
د افغاني سرې میاشتې ټولنې په وینا، هغه ماشومان چې د سوري زړه ناروغۍ لري، د درملنې لګښت یې له دوه تر درې نیم زره ډالرو پورې دی.
د زړه جراح ډاکټر، نعمت الله ظفري په دې اړه وايي:«دغه ناروغي بیلابیل لاملونه درلودای شي، له کورنیو ودونو پیل تر خپل سرو درملو خوړولو پورې، چې مېندې یې د مینداورۍ پر مهال استعمالوي. ځينو مېندو ته داسې ناروغۍ هم پیدا کیږي چې په جنینو کې د زړه ناروغۍ لامل کیږي.»
د افغاني سرې میاشتې ټولنې په وینا، هغه ماشومان چې د سوري زړه ناروغۍ لري، د درملنې لګښت یې له دوه تر درې نیم زره ډالرو پورې دی.
لومړی نظر وکړئ on "په تېره میاشت کې د زړه د سوري له سلو د زیاتو ماشومانو درملنه شوې"