چارواکو ویلې؛ سږکال په هلمند او کندهار کې پر څه باندې دوه زره هکتاره ځمکه ریحان کرل شوي، چې له ۳ زره مټریکه ټن څخه ډېر حاصلات به ورڅخه تر لاسته شي.

په کندهار او هلمند ولایتونو کې سږکال پر ٢٢ سوه هکټاره ځمکه ریحان کرل شوي دي.

د کندهار د کرنې ریاست د ویاند محمد حنیف حقمل د څرګندونو له مخې، په کندهار کې پر څه باندي ١٠٠٠ هکټاره ځمکه ریحان کرل شوې، چې ورڅخه به ١١ سوه  مټریکه ټنه حاصل لاسته راشې.

د هلمند د کرنې ریاست د ترویج مدریت غړی محمد نسیم وایي، چې په هلمند کې هم د تېر کال پر پرتله  د ریحانو کرکیله زیاته شوې ده.

د دغه ولایت د کرهڼي اوبو لګو لو او مالدارۍ ریاست وایي؛  په تېر ۱۴۰۲ ل لېږدیز کال کي پر ۱۱۹۹ هکټاره کرنیزه ځمکه ریحان کرل شوي وه، چي ۲۱۵۸ ټنه حاصلات یې  لرل. سږکال د ریحانو کرکېله پر ۱۴۳۲ هکټاره ځمکه ترسره شوې، چي دا د تېر کال پر پر تله  ۲۳۳ هکټاره زیاتوالی ښیې او تمه ده، چې ور څخه به  نږدې ۳ زره مټریک  ټنه حاصلات تر لاسه شي .

د دې ولایتونو کروندګر ذین الله نومی وایي؛ د مناسب بازار د نشتون له کبله د ریحان بیې د تېر کال پر پرتله ٣٠ سلنه ټیټې شوې، چې له کبله یې کروند ګر زیان من شوې دي.

کروندګر محمد اسماعیل، چي پخپلو کرنیرو ځمکو یې ریحان کرلي وایي؛ تېر کال یې  له یادي کرکیلي  ښه عواید او حاصلات ترلاسه کړي وه؛ خو سږ کال د تېر کال پر پرتله د ریحانو په بیه کې د پام وړ کموالی راغلی، چې له کبله به یې کروندګر ښه ګټه ترلاسه نکړي .

ویل کیږي، چې تېر کال په بازارونو کې د ۴ نیم کیلو ریحانو بیه څه نا څه ٥٠٠ افغانۍ وه؛ خو سږکال د همدومره ریحانو بیه ٣٠٠ افغانیو ته راټیټه شوې ده.

کروندګر محمد اسماعیل، چي پخپلو کرنیرو ځمکو یې ریحان کرلي وایي؛ تېر کال یې  له یادي کرکیلي  ښه عواید او حاصلات ترلاسه کړي وه؛ خو سږ کال د تېر کال پر پرتله د ریحانو په بیه کې د پام وړ کموالی راغلی، چې له کبله به یې کروندګر ښه ګټه ترلاسه نکړي .

ویل کیږي، چې تېر کال په بازارونو کې د ۴ نیم کیلو ریحانو بیه څه نا څه ٥٠٠ افغانۍ وه؛ خو سږکال د همدومره ریحانو بیه ٣٠٠ افغانیو ته راټیټه شوې ده.

منبع