د بشري حقونو څار نړیوال سازمان له هېوادونو غوښتي چې له طالبانو او پخوانيو افغان چارواکو دې، چې په “جدي جنګي جرمونو” تورن دي، پوښتنې او ګروېږنې وکړي.

په لوګر ولایت کې د طالبانو سیمه‌ییز چارواکي وايي چې په دې ولایت کې د هاوان د یوې مرمۍ د چاودنې په پېښه کې څلور ماشومان وژل شوي او یو تن ټپي شوی دي.

په کابل کې د جاپان سفارت اعلان کړی چې افغانستان ته به د کوکنارو د بدیل کښت او درملنې، بیارغونې او ادغام په برخه کې لس میلیونه ډالره مرسته وکړي.

د اسراییل لومړی وزیر، بنیامین نتنیاهو د امریکا ولسمشر جو بایډن ته ویلي، حماس سره به د یرغمل شویو د خوشې کولو په موخه د خبرو اترو د بیا پیل لپاره پلاوی واستوي. 

د افغانستان پخوانی ولسمشر وايي، تېر حکومت تر وروستۍ شېبې د پولیسو، ښوونځیو او د پوهنې وزارت د ښوونکو پر کره شمېر نه پوهېده.

د هند په شمال کې چارواکي وايي، په مذهبي مراسمو کې د ټېل ماټېل له کبله لږ تر لږه ۱۱۶ کسان وژل شوي دي.‌ دغه پېښه د اترپردېش ایالت په هاتراس ولسوالۍ کې هندوانو ست سنګ مذهبي مراسمو کې شوې ده.‌

په پلازمېنه کې ځينې ښځينه ښوونکو ویلي چې، د پوهنې وزارت لخوا د خپلو معاشونو د ځنډول کېدو او کمېدو په تړاو اندېښمنې دي.

د سولې او سیاست په چارو کې د ملګرو ملتونو د عمومي منشي مرستیالې روزمیري دیکارلو د سه شنبې په ورځ جولاۍ ۲ (چنګاښ۱۲) د افغانستان د مدني ټولنو له استازو سره له ملاقات وروسته وویل چې د ټولو اړخونو ترمنځ اعتماد جوړول ضرور دي.

د فرانسې ولسمشر امانویل مکرون او د هغه متحدینو د دوشنبې په ورځ جولای اوله (چنګاښ ۱۱) ددغه هېواد په مقننه قوه کې د دوهم پړاو ټاکنو وړاندې ددې لپاره د یوې اونۍ سخت کمپاین پیل کړ چې د سخت دریځو ښي اړخو له خوا په لومړي ځل د مطلق اکثریت ګټلو او حکومت جوړولو مخنیوی وکړي.