د متحده ایالاتو د پوځ مرکزي قوماندانۍ پخوانی قوماندان، متقاعد جنرال کنیت فرانک مککنزي، وایي چې متحده ایالات د مذاکراتو په بهیر کې پدې ونه توانید چې د افغانستان حکومت او ا.ا. په یو میز د خبرو لپاره راټول کړي او دا ملامتي یې په ا.ا. اچولې.

د روسیې د بهرنیو چارو وزارت ویاندې له ا.ا. سره د روسیې د اړیکو په تړاو د ځينو رسنیو د نیوکو په غبرګون کې ویلي چې، د نشه‌يي توکو د قاچاق او ترهګرۍ د مخنیوي لپاره اړتیا ده چې، د دغه هېواد له اوسنیو چارواکو سره اړیکې ټينګې شي.

د ملګرو ملتونو د بشري مرستو د همغږۍ دفتر (اوچا) په یو تازه راپور کې ویلي‌ دي چې د میلیونونو ماشومانو او میندواره میندو ژوند له خطر سره مخامخ دی.

د افغانستان په چارو د امریکا ځانګړی استازی ټام ویسټ وايي، د ازبکستان د امنیت شورا له مرستیال او د افغانستان لپاره د ازبکستان ولسمشر له ځانګړي استازي سره یې په واشنګټن کې لیدلي.

رسامي او انځورګري د احساساتو د بیان ژبه بلل کېږي. ځينو افغان نجونو هم خپل هغه کړاو او رواني حالت په رسامیو کې انځور کړی چې دوی یې د ښوونځيو د بندښت له کبله ګالي.

چین ته د پاکستان د صدراعظم شهباز شریف د سفر په پاې کې دواړو هیوادونو په یوه ګډه اعلامیه کې د طالبانو له حکومت څخه د یو ټولشموله حکومت د رامنځ ته کولو ترڅنګ د تروریستي ډلو له خوا د افغانستان د خاورې د کارولو د مخنیوي په ګډون ددغو ډلو پر وړاندې د ټینګې مبارزې غوښتنه کړې ده.

د لانګ وار ژونال خبري وېبپاڼې د سیف العدل چې د القاعدې اوسنی مشر بلل کیږي د یوې مقالې په حواله لیکلي، چې دغې ډلې په ټوله نړۍ کې له خپلو پلویانو غوښتي چې د نظامي زده کړو او تجربې ترلاسه کولو لپاره افغانسان ته کډه شي.

د ترکیې ولسمشر رجب طیب اردوغان د دغه هېواد د رېل پټلۍ ادارې ته حکم کړی چې، د ترکیې بشري مرستې د رېل پټلۍ له لارې افغانستان ته واستوي.

بلجیم کې د ذایقې نړۍوالې مؤسسې په نړۍوالې سیالۍ کې د هېواد زعفران د نهم ځل لپاره تر نورو کیفیت لرونکی زعفران اعلان کړل.

د ملګرو ملتونو د خوړو نړیوال پروګرام (WFP) وايي چې په افغانستان کې د اوسني اضطراري وضعیت د سمبالولو لپاره ددغه پروګرام سره موجودې منابع کافي نه دي او مرستو ته اړمنو او سیلاب ځپلو سره د مرستې لپاره زیاتې بودیجې ته اړتیا لري.