د لانګ وار ژونال خبري وېبپاڼې د سیف العدل چې د القاعدې اوسنی مشر بلل کیږي د یوې مقالې په حواله لیکلي، چې دغې ډلې په ټوله نړۍ کې له خپلو پلویانو غوښتي چې د نظامي زده کړو او تجربې ترلاسه کولو لپاره افغانسان ته کډه شي.
د افغانستان پخواني ولسمشر محمد اشرف غني د طبیعي زېرمو په اړه په یو پوډکاسټ کې ویلي، چې جنګسالاران، جګړه، ناامني او د بشري ظرفیت نشوالي د منابعو د موندنې او سپړنې کار کې خنډونه جوړول.
وروسته له هغه چې په جرمني کې د یو افغان پناه غوښتونکي د چاقو په برید کې یو پولیس مړ او پنځه نور کسان ټپیان شول، دغه هېواد د سه شنبې په ورځ جون څلورمه (غبرګولي ۱۵) اعلان وکړ چې افغانستان ته د کډوالو په ستنولو غور کوي.
په بشري چارو کې د ملګرو ملتونو د عمومي منشي مرستیال مارتین ګرفټس وايي چې په افغانستان کې واک ته د طالبانو د بیا رسیدلو وروسته یې چې کومې هیلې او کومې لیکلې ژمنې لرلې چې نړیواله ټولنه د طالبانو سره څنګه مخ ته لاړه شي، هغه هیلې له منځه تللي دي.
د تاجکستان ملي شورا مشر ادعا کړې، چې له افغانستان څخه د ډلهییز امنیت تړون غړیو هېوادونو ته د افراطیت د نفوذ خطر مخ پر زیاتېدو دی.
د پاکستان د جمعیت علمای اسلام ګوند مشر مولانا فضل الرحمن له افغانستانه پاکستان ته د ترهګرو د وراتګ په هکله د پاکستاني چارواکو ادعا ردوي.
په افغانستان کې د طالبانو حکومت د کورنیو چارو وزارت وايي، په هرات کې یې د داعش ډلې یو شمېر غړي نیولي دي.
په جرمني کې چارواکي وایي د پولیسو یو افسر چې یو افغان کډوال په چاقو وهلی و، یکشنبه جون دوییمه ( غوایي ۱۳) په روغتون کې مړ شو.
د روسيې د بهرنیو چارو وزیر سرګي لاوروف اوس اوس ویلي چې «طالبان» په افغانستان کې ریښتینی ځواک دی او مسکو غواړي چې هغوی د ترهګرو ډلو له نوملړه بهر کړي.
پداسې حال کې چې په روسیې کې چارواکو ویلي ښایي د “ترهګرو” د لیست څخه د طالبانو نومونه وایستل شي او دا کار یې د دې ډلې رسمیت پیژندلو لپاره له وخت وړاندې اقدام بللی خو سپینې ماڼۍ ویلي چې د روسیې دا اقدام “ناوړه” پیغام لري.