چینایي پانګوالو د افغانستان برېښنا شرکت له رییس سره کتنه کې له ډبرو سکرو څخه د نږدې ۴۰۰ میګاواټه په ظرفیت د برېښنا د تولید په برخه کې پانګونې ته لېوالتیا ښودلې ده. 

تېرو دوو ورځو کې د واورې ورښت، د ولایتونو ترمنځ د نښلونکو لارو پر بندولو سربیره، د برېښنا د لېږد مزي هم له تخنیکي ستونزې سره مخ کړي دي.

که څه هم ډیری افغان ښځې د ټولنیزو او اقتصادي محدودیتونو له امله په کار بازار کې لږ شتون لري، اروپايي اتحادیې په افغانستان کې د ښځو د اقتصادي پیاوړتیا پروګرام دوهم پړاو پیل کولو لپاره د 10 ملیون یورو تخصیص اعلان کړی دی.

د غزني ولایت د ګیرو ولسوالي، چې د ولایت یو له لرې پرتو او محرومو ولسوالیو څخه ګڼل کیږي، د روغتیایی اسانتیاوو له سخت کمښت سره مخ ده.

وروسته له هغې چې د پاکستان د کراچۍ په یوه څوپوړیز سوداګریز مرکز کې د اورلګېدنې له پېښې وروسته لږ تر لږه د ودانۍ د منځني پوړ ۳۰ مړي وایستل شول، د قربانیانو شمېر ۶۰ کسانو ته لوړ شو.

د پېښو پر وړاندې د مبارزې د چمتووالي ادارې ویلي، چې د هېواد په یو شمېر ولایتونو، په ګډون د پروان، بامیان، میدان‌وردګ، کندهار، جوزجان او فاریاب کې د باران او واورې د شدید ورښت له امله ۱۱ تنه مړه او ۴ تنه ټپیان شوي دي.

څه باندې درې میاشتې کېږي، چې د پاکستان په کراچۍ بندر کې د افغان سوداګرو تر لسو زرو زیات کانتیرنونه بند پاتي، چې دې وضیعت د دغو سوداګرو اندېښنې زیاتې کړې دي.

په سړه هوا کې له ایرانه را اېستل شوي افغان کډوال تش جېبونه او خالي لاسونه خپل هېواد ته په جبري ډول راستانه شوي.

له پاکستانه را ایستل شوي وايي، سرپناه نه لري او په سخت ژمي کې له ګڼو ستونزو سره مخ دي.

د بدخشان د عامې روغتیا ریاست وایي، دغه ولایت کې په تېرو ۱۱ میاشتو کې نږدې ۱۶ زره ماشومان پر خوارځواکۍ اخته شوي، چې  له ۶۰ زیاتو یې خپل ژوند له لاسه ورکړی دی.