د امریکا بهرنیو چارو وزارت ویلي چې واشنګټن د امریکا د ملي ګټو د ساتنې په پار له اسلامي امارت سره تعامل کوي.

په افغانستان کې د ملګرو ملتونو مرستندویه پلاوي دفتر د “افغانستان د بشري حقونو وضعیت” تر سرلیک لاندې په خپل درې میاشتني راپور کې د ښځو او نجونو، د رسنیو د ازادۍ، خپلسري نیولو، د جسمي مجازاتو او اعدام په اړه اندېښنه څرګنده کړې ده.

افغانستان کرېکټ بورډ د ۲۰۲۴ کال ای سي سي کرېکټ شل اوریزو سیالیو نړیوال جام لپاره ۱۵ کسیزه لوبډله اعلان کړه، چې راشد خان به یې مشري کوي.

داعش په خپل تلګرامي کانال کې د سه شنبې پر ورځ د هرات د ګذرې ولسوالۍ د محمدي ښارګوټي په جومات کې پر لمونځ کوونکو د برید پړه پر غاړه واخیسته.

د نړیوال بانک اجرائیوي مدیرانو د سه شنبې په ورځ اپریل ۳۰ (ثور۱۱) د افغانستان د انعطاف منلو د ټولنې د معیشت پروژې لپاره د نړیوال انکشاف د ټولنې (IDA) د ۸۴ میلیونو ډالرو مرسته تصویب کړې ده.

د ترکیې هوايي شرکت (Turkish Airlines) اعلان کړی چې د روان ۲۰۲۴ کال د مې د میاشتې له ۲۱ څخه وروسته بیرته افغانستان ته الوتنې پیلوي.

د طالبانو د حکومت د کورنیو چارو وزارت وايي چې یو ناپيژانده وسله وال د هرات ولایت د ګذرې ولسوالۍ په یو جومات کې د ماسختن لمانځه پر مهال پر لمونځ کوونکو باندې ډزې کړي چې له امله یې شپږتنه وژل شوي او یو تن ټپي شوی دی.

په افغانستان کې نن (دوشنبې) ماشومانو ته د ګوزڼ ضد واکسینو د رسولو څلور ورځنی کمپاین پیل شو خو په یو شمېر ولایتونو کې د ورښتونو او سېلابونو له امله ځنډول شوی دی.

طالبان د بشري حقونو په مسئلې او ښځو سره د تعامل په اړه د ملګرو ملتونو د بشري حقونو د شورا په غونډه کې له انتقاد سره مخامخ دي او واشنګتن تورن کړي دي چې ښځې او نجونې په سیستماتیک ډول له خپلو حقونو څخه محروموي.

د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.