د نړۍ په اکثرو هېوادونو کې فېسبوک او انسټاګرام ناڅاپه بند شول

په افغانستان کې د طالبانو له واکمنېدو وروسته یو شمېر هغه افغان ښځینه خبریالانې له فشار، تهديدونو، بندیزونو، محدودیتونو او توپیرې چلند سره د مخامخ کېدو له امله نورو هېوادونو ته کډوالې شوي، وايي، چې ژوند یې تر سختو کړاوونو لاندې تېرېږي.

د امریکا ولسمشریزو ټاکنو ته د جمهوري غوښتونکو نومانده نیکي هیلي وایی افغانستان کې د دغه هېواد ماموریت ناکام و. 

په وروستیو ورځو کې د افغانستان مرکزي او لوېديځې سیمې د واورو او باران درنو او کم سارو ورښتونو شاهدې وې؛ په ختیځو سیمو کې هم د ورښتونو تازه لړۍ پیل شوې.

هندي رسنۍ هندوپوست خبر ورکړی، چې طالبانو یو هندي وګړی د داعش خراسان سره د یوځای کېدو په تور نیولی دی.

د امریکا بهرنیو چارو وزارت په افغانستان کې د امریکایي وګړو نیول د واشنګټن او کابل ترمنځ د مثبت تعامل لپاره خنډ ګڼي.

د افغانستان لپاره د ملګرو ملتونو د ځانګړي استازي د ټاکلو مسله د دغه هېواد په اړه د امنیت شورا لپاره یوه مهمه موضوع ده.

د امریکا د بهرنیو چارو وزیر انتوني بلینکن د سې شنبې پر ورځ (د کب اتمه) د افغان ښځو د اقتصادي مقاومت ائتلاف» په غونډه کې د وینا پر مهال اندېښنه څرګنده کړه، چې اسلامي امارت د افغان ټولنې نیمایي برخه له زده‌کړو او کار څخه بې برخې کړې ده.

نن د کب ۹مه د سرتېري له ملي ورځې سره برابره ده؛ خو د طالبانو له واکمنېدو وړاندې به په دغه ورځ د افغانستان په بېلابېلو برخو کې شانداره غونډې جوړېدې او خلکو به سرتېري د ګلونو په ګېډیو نازول.

د ملګرو ملتونو د امنیت د شورا د رئیسې له خوا له طالبانو څخه د ښځو او نجونو پر وړاندې د ټولو هغو لارښودونو او کړنلارو د لغوه کیدو د غوښتنې او د تړلو دروازو شاته ددغې شورا د غونډې د جوړیدو په غبرګون کې د افغان میرمنو د حقونو یو شمیر فعالانو ددې شورا دا ډول کړنې خواشینوونکې بللي دي.