ښاغلی مجاهد زیاتوي چې، د دوحې د درېیمې غونډې پر دویمه ورځ د بانکي او اقتصادي بندیزونو پر لېرې کېدو هم ټينګار شوی دی.

ښاغلي قانع، د نشه‌يي توکو پر وړاندې د هېوادونو پر ګډې مبارزې ټینګار کوي او زیاتوي، اسلامي امارت په کم وخت کې په افغانستان کې نشه‌يي توکي له‌منځه وړي دي.

د ملګرو ملتونو د بشري مرستو د همغږۍ دفتر “اوچا” له ګاونډیو هیوادونو څخه افغانستان ته د ستنیدونکو افغان کډوالو د وضعیت په اړه په یو تازه راپور کې ویلي چې د ۲۰۲۴ کال د جنورۍ څخه د اپریل تر میاشتې له ایران او پاکستان څخه نږدې ۴۴۰ زره افغان کډوال خپل وطن ته ستانه شوي.

د ننګرهار د دره نور ولسوالۍ د لرې پرتو درو اوسېدونکي د لارو له خرابوالي شکایت کوي.

لوړپوړي امریکایي سناتور لندسي ګراهام د امریکا په څو ایالتونو کې د داع ش د شکمنو کسانو د نیول کیدو په هکله د رسنیو رپوټونه د متحده ایالاتو د سرحدي ستونزو او د افغانستان څخه د پوځي تخلیې له عملیاتو سره اړوند ګڼلي دي.

د ملګرو ملتونو د بشري مرستو د همغږۍ دفتر (اوچا) په یو تازه راپور کې ویلي‌ دي چې د میلیونونو ماشومانو او میندواره میندو ژوند له خطر سره مخامخ دی.

د ترکیې ولسمشر رجب طیب اردوغان د دغه هېواد د رېل پټلۍ ادارې ته حکم کړی چې، د ترکیې بشري مرستې د رېل پټلۍ له لارې افغانستان ته واستوي.

بلجیم کې د ذایقې نړۍوالې مؤسسې په نړۍوالې سیالۍ کې د هېواد زعفران د نهم ځل لپاره تر نورو کیفیت لرونکی زعفران اعلان کړل.

د ملګرو ملتونو د خوړو نړیوال پروګرام (WFP) وايي چې په افغانستان کې د اوسني اضطراري وضعیت د سمبالولو لپاره ددغه پروګرام سره موجودې منابع کافي نه دي او مرستو ته اړمنو او سیلاب ځپلو سره د مرستې لپاره زیاتې بودیجې ته اړتیا لري.

د روغتیا نړۍوال سازمان په افغانستان کې د وروستیو سېلابونو د وضعیت په اړه د یوه راپور په خپرولو سره په دغه هېواد کې له سیلاب ځپلو سره د عاجلو مرستو غوښتنه کړې ده.