د امریکا د متحدو ایالتونو د بهرنیو چارو وزارت وايي چې دوی کومه طرحه نه لري چې په لنډ وخت کې په افغانستان کې خپل دپلوماتیک ماموریت بیا پیل کړي.

امریکایي چارواکو په افغانستان کې د القاعده ډلې د موجودیت او فعالیت په اړه د ملګرو ملتونو د امنیت شورا د راپور په هکله په خپل لومړي غبرګون کې ویلي دي چې القاعده په افغانستان او نورو ځایونو کې یو کمزوری سازمان دی.

د امریکا بهرنیو چارو وزارت ویاند متیو میلر؛ د چین د ولسمشر له لوري د افغانستان اسلامي امارت د استازي د باور لیک د منلو په غبرګون کې ویلي، چې د اسلامي امارت د رسمیت پېژندلو په اړه د بیجینګ دریځ اوس هم روښانه نه‌دی.

د پاکستان یوې ځانګړې محکمې د دغه هېواد مخکینی لومړی وزیر عمران خان په سائفر نومې قضیه کې په لس کلن زندان سزا محکوم کړی دی.

د افغانستان پیژندل شوي او مشهور قاري استاد برکت الله سلیم د ورپېښې ناروغۍ له امله، نن شنبې په پلازمینه کابل کې له نړۍ څخه سترګې پټې کړې. نوموړی له یوې اوونۍ راهیسې د کابل په یو خصوصي روغتون کې بستري و.

له خوست هوایي ډګر کورنۍ او بهرنۍ الوتنې پیل شوې

د امریکا د بهرنیو چارو وزارت د ویاند مرستیال وډانټ پټېل وایي چې دوی پر ښځو د محدودیتونو په اړه له «طالبانو» سره خبرې کړي او ویلي یې دي چې دغه وضعیت د واشنګټن لپاره د منلو نه‌دی.

د تورخم لارد شاوخوا لس ورځو بندیدو وروسته د سه شنبې د سهار په اتو بجو د جنورۍ ۲۳(سلواغې درییم) د هر ډول تګ راتګ پرمخ پرانیستل شوې ده

هغه کس چې د ایران اطلاعاتو وزارت نن د داعش ډلې له ”مخکښو غړو یو” یاد کړی، پلازمېنه تهران کې یې فراري بللی او تصویر یې خپور کړی، پر افغانستان د طالبانو له ولکې وروسته د افغانستان له بګرام زندانه تښتېدلی و.

د طالبانو د حکومت ویاند ذبیح الله مجاهد وايي چې د افغانستان د بدخشان په ولایت کې د روسیې د یوې کوچنۍ غورځېدلې الوتکې څلور سپاره ژوندي موندل شوي دي.