د بې باورۍ ډالۍ: د خراسان د خوارجو د ډیجیټلي پیسو پلان د یوې ډیجیټلي جال په توګه
د خراسان خوارجو ډلې د “خراسان غږ” په ۳۷مه ګڼه کې یو ځل بیا د مالي ملاتړ غوښتنه کړې ده. د معمول په څېر، دا کار په کوډ شوي ډول ترسره کوي، د “رسنیزجهاد سره د مرستې” خبرې کوي او له مومنانو څخه غواړي چې “د تورې ترڅنګ قلم هم وکاروي”. خو د کاسې لاندې نیم کاسه ده. د دې ډیجیټلي شعارونو لاندې، یو زیانمنونکی، د تعقیب وړ او په زیاتیدونکي توګه خطرناک عملیات پټ دی: د خراسان د خوارجو د ډیجیټلي پیسو مالي جریان یو جال دی، هم د مالي مرسته کوونکو لپاره او هم د همدې ډلې لپاره.
دوی ادعا کوي چې د دوې د مرستې غوښتنې خوندي، پټې او د جاسوسانو څخه خوندي دي. مګر هرڅوک چې د تحلیل، تعقیب او عدلي پلټنو په پروسو معلومات لري، پوهیږي چې دا درواغ دي. هر QR کوډ او د ډیجیټلي پیسو بټوه چې د خراسان د خوارجو ډلې لخوا کارول کیږي، د معلوماتو نښې پریږدي. دولتونه او خپلواک څیړونکي دا جریانونه د خلاصو سرچینو معلوماتو او د بیلګي “نمونو” تحلیل په کارولو سره تعقیبوي. په حقیقت کې، د خراسان ډلې پورې اړوند ډیری بټوې لا دمخه له منځه وړل شوي یا کنټرول شوي دي، حتی مخکې له دې چې نوموړې ډله پخپله پوه شي.
په یوې مقالې کې دوی لیکي: “یوازې هغه کسان چې اخلاص او هوښیاري لري د دې ماموریت ملاتړ به وکړي… نور ټول بزدلان یا جاسوسان دي. دا لهجه په مرسته کوونکو باندې فشار راوړي او په ورته وخت کې د بې باورۍ تخم کري. تاسو څه پوهیږئ، که ستاسو د ډیجیټلي پیسو بټوه تر څارنې لاندې وي؟ او یا که QR کوډ د یو نفوذي لخوا بدل شوی وي؟ او یا که همدغه مالي مرسته ستاسو د نیول کیدو لامل شي؟
دا یوازې یوه فرضیه نه ده. په تېر کال کې، ډېرو لوېدیځو او سیمه ییزو دولتونو د خراسان له خوارجو سره تړلې ډیجیټلي پیسو لیږدونه بند کړي یا یې مسیر بدل کړی دی. په ځینو مواردو کې، د مرستې لینکونه په خاموشۍ سره بدلیږي او پیسې د معلوماتو راټولولو برنامو یا استخباراتي جالونو ته لیږدول کیږي. د جاسوسانو په اړه د خراسان د خوارجو خپله وېره، چې په دې ګڼه کې څو ځله څرګنده شوې، په اسانۍ سره د دوی د مرستو په سیسټم باندې هم تطبیق کیدای شي.
د دې پر ځای چې د خراسان خوارج یوه پیاوړې اقتصادي بنسټ رامینځته کړي، دوی یوه سوری نللیکه جوړه کړې ده. د دوی د مرستو راټولولو میتودونه خوندي ندي، د تعقیب وړ دي او روحیه ته زیان رسونکې دي. تر دې بدتر، د دوی مشکوکه فضا د هغو کسانو په اړه پلټنې یا باور کول ناممکن کوي چې د راټولولو پروسه اداره کوي.
هغه سازمان چې نشي کولی د خپلو پیسو ساتنه وکړي، د خپل ماموریت ساتنه هم نشي کولی. او دا به ښاېې غوره وي چي د “خراسان غږ” مجله د “ماتې غږ” به نوم ونومول شي، ځکه چې د ډیجیټلي پیسو هره غوښتنه د ځواک پر ځای د نا امیدۍ اعتراف دی.

امواج پرس