د ننګرهار سپین غر ولسوالۍ کې د یوې ناچاوده سرګلولې د چاودنې له امله ۲ وروڼه وژل شوي او یو بل ټپي دی.
د سیمې یو اوسیدونکی عزیزالرحمن وایي، چې چاودنه نن (چهارشنبه، ۲۱ د چنګاښ) سهار شاوخوا ۸:۰۰ بجې د سپین غر ولسوالۍ اړوند «شډل بازار» سیمه کې هغه مهال شوې؛ چې د یوه ځایي اوسیدونکي عبدال پاچا درې زامنو پر یوې ناچاوده سرګلولې لوبې کولې.
هغه زیاتوي په چاودنه کې د نوموړي دوه زامن چې عمرونه یې د لسو کلونو څخه کم وو، وژل شوي او یو بل ټپي دی چې د ښې درملنې په موخه یې روغتون ته انتقال کړی دی.
په ننګرهار او د هیواد په نورو ولایتونو کې د تېرو جګړو د ناچاوده توکو د چاودنې له امله وخت ناوخت دا ډول مرګونې پېښې رامنځته کیږي.
د وروستیو راپورونو له مخې د افغانستان نږدې ۶۰۶ کیلومتږټره مربع خاوره په ماینونو او چاودیدونکو توکو ککړه ده.
د سره صليب د کميټې د شمېرو له مخې تېر میلادي کال په افغانستان کې د ماينونو او ناچاودو توکو د چاودنو له امله ٩٩٥ تنو ته مرګ ژوبله اوښتې وه.
د ننګرهار سپین غر ولسوالۍ کې د یوې ناچاوده سرګلولې د چاودنې له امله ۲ وروڼه وژل شوي او یو بل ټپي دی.
د ننګرهار سپین غر ولسوالۍ کې د یوې ناچاوده سرګلولې د چاودنې له امله ۲ وروڼه وژل شوي او یو بل ټپي دی.
لومړی نظر وکړئ on "ننګرهار کې د یوې زړې سرګلولې چاودنې درې ماشومانو ته مرګ ژوبله واړوله"