امریکا کې پولیسو یکشنبه نومبر ۲۶ (لیندۍ۵) ویلي چې درې په خټه فلسطیني محصلین امریکایان د ورمانټ ایالت د برلینګټن په ښار کې هغه مهال وويشتل شول او ټپي شول چې د شکرانې په دودیزو مراسمو کې د ګډون لپاره روان وو.
پولیسو ویلي چې پیښه د ورمانټ پوهنتون سره نږدې شوې او یو تن په شدیده توګه ټپي شوی. چارواکو همدارنګه ویلي ښایي دا پېښه د کرکې په اساس شوی جنایت وي.
په سیمه کې د پولیسو مشر جان مراد ویلي چې ډزې په سیمه ایز وخت د ماښام په ۶:۲۵ د ورمانټ پوهنتون ساحې سره نږدې شوي او پولیس د ډزې کوونکي پسې ګرځي.
د پولیسو دې مشر ویلي چې په ټپي شویو کې د دوو وضعیت ښه دی خو د درېیم ټپونه بیا شدید ښودل شوي. درې واړه ټپي شوي شل کلن دي. هغوي د یو خپلوان کور ته د شکرانې اداینې نمانځلو لپاره ورتلل چې په لار کې پرې د یو سپین پوستي امریکایي لخوا د تومانچې ډزې وشوې.
د پولیسو دې مشر وویل، ” پرته لدې چې څه ووایي، برید کوونکي د تومانچې څلور ډزې وکړې او ګمان دی چې هغه تښتیدلی دی. درې واړه ټپي شوي چې دوه یې د سر او خیټې تر منځ ټپي شوي او درېیم په پښه لګیدلی.”
مراد په خبري کنفرانس کې وویل چې درې واړه ټپي شوي کسان په خټه فلسطینیان دي چې دوه یې د امریکا تابعیت او دریم یې د دایمي پاتې کیدو سند (ګرین کارت) لري.
پولیسو همدارنګه ویلي چې په ټپي شویو کې دوو یې د (کیفایه) په نامه تور او سپین رنګي دسمالونه د غاړو څخه تاو کړي و. د مراد په وینا تر دې دمه د برید کوونکي کومه بله انګیزه نده څرګنده شوې.
د پولیسو مشر د ټپي شویو او د هغوي د کورنیو غړیو سره خواخوږي څرګنده کړې او دا یې د کرکې پر اساس جنایت بللی. هغه ویلي، “هر څوک چې دا پیښه ویني، شک نشي کولی چې ښایي د کرکې پر اساس جنایت وي”.
نوموړي زیاته کړه چې د تحقیقاتو فدرالي ادارې ایف بي آی او نورو اړوندو ادارو سره کار کوي تر څو د پیښې په هکله نور معلومات تر لاسه کړي.
دې چارواکې همدارنګه د خلکو څخه غوښتي چې د هغو ډلو بیانیو له مخې نتیجه ګیري ونکړي چې د پیښې په هکله لږ معلومات لري.
د پولیسو دې چارواکي خبري کنفرانس څخه وړاندې د تبعیض پر شد د امریکایي عربو کمیټې په نامه ادارې په یوې بیانیې کې ویلي و چې پدې پیښې کې درې واړه ټپي شوي فلسطینیان او د پوهنتون محصلین دي.
دې ادارې ویلي هیڅ دلیل نشته چې پدې محصلین و ځکه برید شوي چې هغوي عربان دي. په اعلامیې کې ویل شوي چې دې محصلین و په عربي ژبې خبرې کولې او برید کوونکي لومړی هغوي ته بد رد ویلي او بیا یې پرې ډزې کړي او ټپي کړیدي.
د فدرالي تحقیقاتو ادارې ویلي د پیښې په هکله پلټنې کوي.
سپینې مڼۍ ویلي چې د ډزو دې پیښې په هکله جمهور رئیس جو بایډن ته معلومات ورکړل شوي او د امنیتي ادارو لخوا ورته تازه معلومات ورکول کیږي.
په عین حال کې د امریکایي-اسلامي اړیکو ادارې ویلي هر څوک چې داسې معلومات ورکړي چې د برید کوونکي نیول کیدو سبب شي، ۱۰۰ زره امریکاي ډالر انعام به ورکړي.
لومړی نظر وکړئ on "امریکا کې درې فلسطیني محصلین امریکایان په ډزو ټپي شوي"