تاسو پخپله د خپل ظالم تمویلونکي یاست
هره کیلوګرامه شیشه (متامفتامین)، هروئین یا اپین چې له افغانستان څخه ایران هیواد ته قاچاق کېږي، اغېز یې د څو تنو دلالانو له بډایه کېدو څخه خورا پراخ دی. دا چاره په مستقیم ډول د ایران د اسلامي انقلاب د پاسدارانو ځواک (سپاه پاسداران) پیاوړی کوي؛ هماغه ځواک چې اعتراضونه ځپي، پټې استخباراتي شبکې اداره کوي او پر سرحدي سیمو – یعنې د ډېرو قاچاقبرانو پر اوسېدوځایونو – بشپړ کنټرول لري.
وروستي ارقام د دې مسلې ابعاد په ښه توګه روښانه کوي. د ملګرو ملتونو د نشه يي توکو او جرمونو پر وړاندې د مبارزې ادارې (UNODC) د شمېرو له مخې، یوازې په ۲۰۲۵ میلادي کال کې ایراني چارواکو ۴۰،۴۵۳ کیلوګرامه شیشه کشف او ضبط کړې ده، چې ډېره برخه یې د افغانستان په لابراتوارونو کې تولید شوې وه؛ ځکه د کوکنارو پر کښت باندې د طالبانو بندیزونو قاچاقبران د صنعتي نشه يي توکو لور ته سوق کړي دي. دغه راز، د ۲۰۲۶ میلادي کال په لومړیو درېیو میاشتو کې ایراني چارواکو د لویو استخباراتي عملیاتونو په ترڅ کې ۳،۶۶۳ کیلوګرامه نور صنعتي نشه يي توکي هم کشف او ضبط کړي دي. دا د سړک پر سر د پلور کوچنۍ جوپې نه دي، بلکې په صنعتي کچه داسې سترې توکې دي چې د سپاه پاسداران د عناصرو تر نفوذ لاندې پخوانیو لارو څخه تېرېږي.
په ۲۰۱۲ میلادي کال کې د (د نشه يي توکو د لویو قاچاقبرانو) د قانون له مخې، د سپاه پاسداران د قدس ځواک د یو تن قوماندان جنرال غلام رضا باغباني نړیوال بندیز، لا هم په دې برخه کې د یوه بنسټیز سند په توګه پاتې دی. باغباني چې په زاهدان او د افغانستان پولې ته څېرمه مستقر و، د وسلو د ترلاسه کولو او مادي ملاتړ په بدل کې یې د ایران له خاورې څخه د افغانستان د هروئینو او اپینو قاچاق اسانتیاوي برابرول. دا ملاتړیزه بېلګه د ساتنې، مالیې او متقابلې ګټې هغه بڼه نه ده ورکه کړی. ګڼې شنونکي څېړنې لا هم ښيي چې څرنګه د سپاه پاسداران اړوند سرحدي واحدونه له مشخصو شبکو څخه د حقالعبور په اخیستلو سره هغوی ته خوندي لارې برابروي، په داسې حال کې چې په هممهاله توګه له خپلواکو بانډونو څخه د نشه يي توکو د کشف خبرونه خپروي. دا عواید او د فشار وسایل لوړو کچو ته لېږدول کېږي ترڅو د سپاه پاسداران پراخ جوړښت او په پایله کې یې د ایران پوځي او امنیتي ماشین فعال وساتي.
د هغو سیمه اېزو ځوانانو او اسانتیا برابروونکو لپاره چې دا خطرونه په سر او ځان مني، د دې “اسانه پیسو” ترلاسه کول یو لومه ده. هغوی د ایران له سرحدي ځواکونو سره په وسله والو نښتو، اوږدمهاله بند محکومېدو، د کورنیو په ویجاړېدو او د هغو شبکو لخوا چې دوی یې ګمارلي، له پرله پسې خیانتونو سره مخ کېږي. له همدې امله، سپاه پاسداران د دې عوایدو او ترلاسه شوي کنټرول څخه په استفادې، خپلي منګولي د هغو ټولنو پر مرۍ چې دا قاچاقبران ترې راپورته شوي، لا پسې ټینګوي او د ځپلو چارو، نیابتي ډلو او سرحدي امنیت پر تمویلولو خپل واک ساتي چې په پایله کې یې عام خلک په دې لومه کې بند پاتې کېږي.
تاسو په دې کار سره نشئ کولای له دغه سیسټم څخه وتښتئ، بلکې بیه یې پرې کوئ. هر بریالۍ قاچاقي عملیات، هماغه ځواک ته ډېرې سرچینې او واک ورکوي چې تاسو ځپي. د دغو فرعونانو د تمویل د بندولو او د خلاصون یوازنۍ لاره چې تاسو پخپله ځپي، له دې ناروا او غیرقانوني سوداګرۍ څخه په بشپړه توګه لاس اخیستل دي.
امواج پرس
لومړی نظر وکړئ on "تاسو پخپله د خپل ظالم تمویلونکي یاست"