القاعده لا اوس هم د افغان شهیدانو پر وینو شخوند وهي

د افغانستان تیرجهاد پرازیتونه لا اوس هم د افغان شهیدانو پر وینو شخوند وهي: تاوتریخوالی د افغانستان د اوسېدونکو کوم ذاتی ځانګړنه نه ده. هغه څه چې د دې خاورې د خلکو د هویت ځانګړتیاوی دی  له وطن سره مینه، خپلواکي، ملي غرور او د اسلام په چوکاټ کې د توحید احساس دی.  خو، د افغانانو دا سپیڅلی احساسات د تاریخ په اوږدو کې د جوړښت او تاریخي پلوه د ځینو پرازیتي او ځانپرسته سازمانونو لخوا په غلطه استفاده سوی دي. یو له دغو ډلو څخه چی د افغانانو د احساساتو څخه یی غلطه استفاده کړی القاعده ده.

القاعده په پیل  کی یوه کوچنی لوژیستیکي ډله  وه چی اکثرا عربان وه او  د پخواني شوروي د سور پوځ په وړاندې د  افغان جهاد د ملاتړ په پلمه یی سیاسي او جهادي کمپاین پیل کړ. خو د دې ډلې خود غرضه مشرانو په پای کې ځانونه د افغان جهاد د اصلي اتلانو  معرفی کړل او هغه هم زموږ په ګران هیواد کی دس سولی او د افغان جهاد د بریا د قیمت په بدله. اکثريت افغانان چې د القاعدې فعاليتونه يې له نږدې څېړلي دي، په دی نتیجه رسیدلی چی القاعده یوازی يوه سياسي پرازيت پرته بل څه نده چی تل یی د خپل کوربه ( افغانستان) لپاره بدمرغي راوستې.

القاعده په ۱۹۸۰ لسیزه کې د شوروي اتحاد پر وړاندې د افغان جهاد په اوج کې راڅرګنده سوه. په هغه وخت کې چې د دې خاورې د خلکو تمرکز په جهادي مبارزو او بیا د ویجاړ شوي هیواد د بیارغونې په مبارزه کې مصروفه وه، القاعده هڅه کوله چې د ځان لپاره داسی نوم وګټي چی ګواکی د نړیوال جهاد مبارزین دوی دی او هڅه یی کوله چی د افغان جهاد د اعتبار د ځان وګڼي. هغه جهاد چې افغانانو په خورا ډیرو مشکلاتو ، د مال او ځان په قربانیو مخکی وړی. او هدف یی یوازی د  خدای د کلمې د لوړولو او د هیواد د خپلواکۍ د بیرته ترلاسه کول و،  خو القاعدی بیا دا سپیڅلی مبارزه د پیسو راټولولو لپاره کارول.

القاعده  دافغان جهاد په نوم د راټولو سوی پیسو او حمایتونو څخه د مجلل محفلونه کوربتوب کاوه، د خپلو شخصی سفرونو لپاره یی پری الوتکی چارتر کولی، او یا یی هم د خپلو مشرانو لپاره رسنیز کامپینونه پری کول. دا ټوله هم په داسی وخت کی ترسره کیده چی  چې د افغانستان جنګیالیو د جهاد په خندقونو کې وینه تویوله، القاعده د خپلو مشرانو د اعلانولو لپاره د رسنیو له پرمختللو تخنیکونو څخه کار اخیست. القاعدې د دغو افغان شهیدانو وینه د القاعدې د اتلانو د انځورولو لپاره وکاروله.

په ډاګه باید وویل سی چی که هرڅومره هم ددی ډلی ښکاره منافقتونه په ګوته سی بیا به هم په القاعده کی ، چی یوازی د ځان لپاره د شهرت حاصلولو لپاره مبارزه ، څه تغیر را نسي. خو که د دوی منافقت افشا سی او له افغانانو سره یې شریک کړاي سی، نو دا به زموږ خلک د دې ډلې په اصلي هدف پوه کړی او که زموږ کوم مسلمان ورور کله هم په اشتباه دا فکر وکړی چی د القاعدی هدف یوازی اسلام دی نو هیله لرو چی زموږ دا لیکنه به ددوی لپاره د یو لنډ مهالی فکری مکث سی ترڅو سر خلاص کړی چی د القاعدی کارونه که هر نوم ورکړی خو بیا هم د اسلامی مبارزی تر عنوان لاندی نسی راتلی. دوی دخپلو مسلمانانو ورڼو د خواری ، مشکلاتو، او مبارزو څخه د پیسو ټولو او شخصی تبلیغاتو لپاره استفاده کوي.