کندهار ته له پاکستانه تازه ستانه کړای شوي يو شمېر کډوال د بې کارۍ څخه شکایت کوي او وايي چې د کار د نشتوالي له کبله د سختو اقتصادي ستونزي سره مخ دي.
د دوی په خبره په دې کډوالو کې مسلکي کسان هم شته چې باید په کارونو وګمارل شي او غیرمسلکي کسانو ته دې د کسبونو د زده کړې زمینه برابر شي.
بلخوا د طالبانو د حکومت د کندهار کډوالو چارو ریاست مسولان وايي چې د موسساتو په مرسته يې یو شمېر کډوال ته د کوچنيو کاروبارونو زمینه برابره کړې ده.
نور جزييات د لاندې لېنک په کېکاږلو سره اورېدلی شئ:
ځینو رسنیو خبر ورکړی چې د پاکستان په پلازمېنه اسلام اباد کې پر دوو افغان ښځو د نامعلومو کسانو له خوا د چړې په واسطه حمله شوې ده.
سرچینو ویلي چې مخ پټو کسانو پر دغو ښځو په داسې حال کې پرون پنجشنبه حمله وکړه چې دوی د کډوالو به چارو کې د ملګرو ملتونو د لویې کمېشنرۍ دفتر ته روانې وي.
د جمهور خبري اژانس په ګډون ځینو رسنیو لیکلي چې حمله کوونکي د دغو ښځو له ټپي کولو وروسته له سیمې تښتېدلي دي.
دوې اوونۍ مخکې هم په اسلام اباد کې په ورته پېښه کې دوې افغان ښځې ټپیانې شوې وې.
پر افغانستان د طالبانو د ولکې له بیاټینګولو وروسته د ښځو د حقونو د فعالانو او خبریالانو په ګډون په زرګونو کسان پاکستان ته لاړل چې هلته یې د نورو هېوادونو لپاره د پناه درخواستونه ورکړي دي.
دا په داسې حال کې ده چې په پاکستان کې پر افغان کډوالو فشارونه زیات شوي او د نومبر میاشتې له لومړۍ نېټې د بې اسناده افغانانو ډله ییز اخراج چټک شوی دی.
لومړی نظر وکړئ on "له پاکستانه کندهار ته ستانه کړای شوي ځينې کډوال له بې کارۍ شکايت کوي"