د افغانستان د حکومت د عامې روغتیا وزارت د ننګرهار د ولایت د بټي کوټ په ولسوالۍ کې د ماشومانو د ګوزڼ یا پولیو د یوې نوې مثبتې پيښې د ثبت خبر ورکړی دی.

د پاکستان په جنوب غرب کې په دوو جلاو بمي حملو کې د دوو پولیسو په ګډون لږ تر لږه شپږ کسان وژل شوي دي او د پولیسو په ګډون تر لسو ډير کسان ټپيان شوي دي. په پاکستان کې په وروستیو کې د نا امنیو پېښې ډېرې شوي دي.

د ترکیې – سوریې له سرحد سره نژدې تر سختي زلزلې دوې اونۍ وروسته دغه سیمه یوې بلي زلزلې لړزولې ده. د زلزلې مرکز د ترکیې د هاتای ولایت ؤ، خو د سوریې څخه هم د مرګ ژوبلي رپوټونه را رسیدلي.

د تیرې اونۍ له زلزلې وروسته په ترکيه او سوريه کې د ۳۹۰۰۰ کسانو مړينه تائیده شوې ده. یونیسف ویلي دي چې د قربانیانو نهایي شمېر کیدای شي «یو ویروونکی رقم» وي.

د امریکا واشنګټن پوسټ ورځپاڼې په خپله پرونۍ ګڼه کې په افغانستان کې د هغه ساړه ژمي په باب لیکنه خپره کړې