چینایي پانګوالو د افغانستان برېښنا شرکت له رییس سره کتنه کې له ډبرو سکرو څخه د نږدې ۴۰۰ میګاواټه په ظرفیت د برېښنا د تولید په برخه کې پانګونې ته لېوالتیا ښودلې ده. 

څه باندې درې میاشتې کېږي، چې د پاکستان په کراچۍ بندر کې د افغان سوداګرو تر لسو زرو زیات کانتیرنونه بند پاتي، چې دې وضیعت د دغو سوداګرو اندېښنې زیاتې کړې دي.

له پاکستانه را ایستل شوي وايي، سرپناه نه لري او په سخت ژمي کې له ګڼو ستونزو سره مخ دي.

د اریانا افغان هوايي شرکت وايي چې د هیواد د سوداګرو د سوداګریزو شتمنیو د لیږدولو لپاره یې یوه ځانګړې کارګو الوتکه کرایه کړې ده.

د ننګرهار په پلازمېنه جلال اباد ښار کې ریکشاو ته د تګ‌ راتګ لپاره ځانګړې لارې او سیمې وټاکل شوې.

افغانستان کې د روسیې د سوداګرۍ مرکز، تاتار- اینفورم خبري آژانس ته ویلي چې ۲۰۲۶ کال کېدلی شي د روسیې د تاتارستان جمهوريت او افغانستان ترمنځ د سوداګریزو او اقتصادي اړیکو د پراختیا کال شي.

د بلخ د صنعت او سوداګرۍ ریاست خبر ورکړی چې د روان کال له پیله تر اوسه پورې یې سوداګرو او فابریکې‌لرونکو ته ۲۸۴ سوداګریز او صنعتي جوازونه وېشلي دي.

د تخار د ټولګتو ریاست وایي، د دغه ولایت کې د ۷۸۰ میلیونه افغانیو په لګښت د درې مهمو سړکونو د لومړي پړاو چارې پیل شوې.

د کندهار د کډوالو او راستنېدونکو چارو رياست مسوولين وایي، تېر ۲۰۲۵ کال کې د سپين بولدک له لارې د ۳۲زره او ۸۲۹ بندیانو په ګډون، ۴۹۲ زره او ۲۸ تنه راستانه کړای شوي دي. 

کابل ښار کې ځینې لاس پلورونکي چې په دې وروستیو کې حضوري چمن ته لېږدول شوي، د خپل کاروبار پر وړاندې د خنډونو له امله شکایت کوي.