د افغانستان د کډوالو چارو وزارت ویلي، دغه کډوال په تېرو دوو ورځو کې د اسلام کلا له لارې افغانستان ته ستانه شوي.

د آلمان د ځینو مشهورو سیاسي ګوندونو استازو ویلي چې افغانستان ته د مجرمینو او خطرناکو پناه غوښتونکو د ایستلو بهیر باید بیرته له سره پیل شي. له دغو سیاستوالو څخه یوه یې ویلي چې «د کابل هوايي ډګر خلاص دی او اخراج ممکن دی.»

سپینه ماڼۍ وایي جمهور رئیس جو بایډن د افغانستان په ګډون په ټولې نړۍ کې په آزاده توګه د نجونو تعلیم او ژوند کولو د وړتیا د اهمیت په هکله ښکاره دریځ لري.

د سپینې ماڼۍ ویاندې ویلي، د امریکا حکومت د افغانستان له خلکو سره همکارۍ او ملاتړ ته “پرته له دې چې طالبان پیاوړي کړي” ژمن دی.

د آلمان حکومت د چهارشنبې په ورځ (۲۰۲۳م کال د اګست ۲۳) د دغه هېواد د تابعیت ورکونې د نوي قانون مسوده تصویب کړه. د دغه قانون پر اساس به وروسته له دې بهرني اتباع وشي کړای د آلمان تابعيت په چټک او اسانه توګه ترلاسه کړي.

د پاکستان سوېلی وزیرستان کې د پاکستاني طالبانو تحریک د پوځ پر یوه کاروان برید کړی چې شپږ پوځیان او څلور بریدګر پکې وژل شوي وي

ایراني کارپوهانو د لومړي ځل لپاره په دهراوود کې د اوبو د اندازه کولو سټیشن څخه لیدنه کړې او په افغانستان کې یې وچکالي جدي ارزولې ده

پوليسو په اسلام آباد کې د بشري حقونو وتلې فعاله ايمان زينب مزاري نيولې ځکه چې د چارواکو په خبره يې د پښتون ژغورنې غورځنګ لاريون کې د ځواکمن پوځ پرضد خبرې کړې دي. داسې ښکاري چې علي وزير هم ښايي نيول شوی وي.

د افغانستان حکومت د کډوالو چارو وزارت وايي چې له ايران څخه په زرونو نور افغانان افغانستان ته ستانه شوي دي.

د روان میلادي کال د پیل راهیسې نيږدې ۱۰۰ زره مهاجرو د مدیترانې له لارې ځانونه ایټالیا ته رسولي دي. دا شمیر د هغو غیر قانوني مهاجرو په پرتله چې تیر کال په ورته موده کې ایټالیې ته رسیدلي ول، دوه برابره زيات دی.