د افغانستان لپاره د متحده ایالاتو ځانګړي استازي توماس ویسټ د قطر پایتخت دوحه کې د افغانستان په تړاو په جوړه شوې غونډه کې د ګډون وروسته ویلي چې ددې غونډې ټولو ګډونوالو غوښتل چې دا وګوري چې افغان میرمنې او نجونې زده کړو، کار او ټولنه کې عام ژوند ته بیرته ستنې شي.
د پاکستاني طالبانو د جماعت الاحرار ډلې سرچینو منلې، چې د دوی یو جګپوړی قوماندان د ننګرهار په لعلپورې ولسوالۍ کې ټپي شوی دی.
د ملګرو ملتونو د ترهګرۍ ضد مبارزې دفتر مشر په یوه راپور کې وویل، چې طالبانو په افغانستان کې د داعش ډلې د بریدونو وړتیا اغېزمنه کړې.
پاکستاني رسنیو د دغه هيواد د پوځ رسنیزې برخې له قوله لیکلي چې د داعش يو قوماندان یې د پاکستاني پوځ په عملیاتو کې د خيبرپښتونخوا په قبایلي سیمو کې وژلی دی.
د ملي جمهوري غورځنګ مشر او د پښتون ژغورنې غورځنګ پخوانی مخکښ محسن داوړ نن د شنبې ورځ فبرورۍ ۱۰ (سلواغې ۲۱) په میرامشا کې د پاکستان د پوځي چاوڼۍ مخې ته د احتجاجي پرلت پرمهال په ډزو ژوبل شوی دی.
افغانستان لپاره د اروپايي ټولنې ځانګړي استازي توماس نیکلاسن د قطر په پایتخت دوحه کې د افغانستان په تړاو د یوې غونډې د جوړیدو دمخه په راروانه اونۍ کې د قرغزستان په پایتخت بیشکک کې د منځنۍ اسیا د پنځه هیوادونو د استازو په ګډون د یوې بلې غونډې د جوړیدو خبر ورکړی دی.
په افغانستان کې د القاعده شبکې د مخ پر ودې حضور او فعالیت په اړه د ملګرو ملتونو وروستي راپور ته په غبرګون کې، د امریکا د مرکزي قوماندانۍ (سنتکام) پخوانی قوماندان جوزف ووټل وايي، هغه ویره لري چې متحده ایالات کیدای شي پداسې وضعیت کې واقع شي چې د القاعده ددغه ګواښ پر وړاندې د غبرګون لپاره بیرته سیمې ته مخه کړي.
پاکستاني چارواکي وايي، په لسګونو وسله والو د دوشنبې په سهار ددغه هېواد په شمال کې د پولیسو پر یوې پوستې برید وکړ او لږ تر لږه ۱۰ پولیس افسران پکې ووژل شول.
۸صبح، کابل: د راپورونو په حواله، د افغانستان اوسېدونکی سېدحمزه علوي چې د فاطمیون لښکر غړی و، په سوریه کې د امریکا په هوايي برید کې وژل شوی دی.
د پخوانیو افغان پوځیانو څخه د ملاتړ کمیټه چې په کې د تیر حکومت امنیتي منسوبین شامل دي د نړیوالې ټولنې په ځانګړي ډول د امریکا د متحده ایالاتو او ددغه هیواد د کانګرس څخه غوښتي چې دغه پخواني پوځیان دې یوازې نه پریږدي او د هغوی د پناه اخیستلو په برخه کې دې اسانتیاوې راولي.