د ملګرو ملتونو د ماشومانو د ملاتړ صندوق یا یونېسف ویلي چې د هرات وروستۍ سترې زلزلې ۹۶ زره ماشومان زیانمن کړي دي.

په افغانستان کې د طالبانو د حکومت له خوا د کوکنارو پر کښت له بندیز وروسته اوس ډېری کروندګرو د مالوچو کرلو ته مخه کړې ده. د طالبانو د حکومت د کرنې وزارت وايي سږ کال د پنبې په حاصلاتو کې څلوېښت سلنه زیاتوالی راغلی.

د ملګروملتونو د بشري مرستو د همغږۍ دفتر “اوچا” وايي چې افغانستان کې لا هم لوږه او خوارځواکي په لوړه کچه دوام لري چې د اټکل له مخې به په راوان ۲۰۲۴ کال کې ۱۵.۸ میلیونه افغانان د خوړو د نه خوندیتوب سره مخ شي.

په افغانستان کې طالب مقامات وايي چې طالبانو د نیمروز د والي دفتر ته نژدې یو ځانمرګی په مرمیو وېشتلی او په هغه پورې تړل شوي چاودېدونکي توکي «چاودېدلي او درې طالبان یې ژوبل» کړي.

د پاکستان پوځ وايي، د بلوچستان په کېچ ولسوالۍ کې یې له وسلوالو سره په چاودنه نښته کې پنځه سرتېري وژل شوي او په مقابل کې یې درې وسلوال وژلي دی.

افغان پانګوال میرویس عزیزي وايي، په نږدې راتلونکي کې د افغانستان د انرژۍ او وسپنې پټلۍ په برخه کې د لس میلیاردو ډالرو په ارزښت پانګونه کوي.

د ننګرهار ولایت کې د طالبانو د حکومت د اطلاعاتو او فرهنګ ریاست وايي چې د افغانستان او پاکستان ترمنځ د تورخم لار یو ځل بیا د شنبې د ورځې جنورۍ ۱۳( مرغومې ۲۳) د سهار راهیسې د ترانزیټي مالونو د انتقال پرمخ تړل شوې ده.

د سویس بهرنیو چارو وزارت په یوه خبرپاڼه کې ویلي، په روان ۲۰۲۴ ز کال کې به په افغانستان کې د خپلو بشري مرستو دفتر پرانیزي.

د پاکستان د بهرنيو چارو وزارت یوځل بیا دا خبره تکرار کړې چې نه هم د پاکستان حکومت او نه هم ددې هیواد د بهرنیو چارو وزارت افغانستان ته د جمعیت علمای اسلام د مشر مولانا فضل الرحمان د سفر ملاتړ کوي.

د ملګرو ملتونو پراختیایي پروګرام په یوه راپور کې ویلي چې د ۲۰۲۱ زېږدیز کال له اګسټ میاشتې راهیسې د افغانانو اقتصادي وضعیت ډېر خراب شوی او نږدې ۸۵ سلنه افغانان د ورځې په څه کم یو ډالر ګزاره کوي.