د ننګرهار ولایت کې د طالبانو د حکومت د اطلاعاتو او فرهنګ ریاست وايي چې د افغانستان او پاکستان ترمنځ د تورخم لار یو ځل بیا د شنبې د ورځې جنورۍ ۱۳( مرغومې ۲۳) د سهار راهیسې د ترانزیټي مالونو د انتقال پرمخ تړل شوې ده.
د پاکستان د بهرنيو چارو وزارت یوځل بیا دا خبره تکرار کړې چې نه هم د پاکستان حکومت او نه هم ددې هیواد د بهرنیو چارو وزارت افغانستان ته د جمعیت علمای اسلام د مشر مولانا فضل الرحمان د سفر ملاتړ کوي.
داعش د کابل ښار په الوخېلو کې د پرونۍ چاودنې مسوولیت ومانه چې له امله یې په یوه ګاډي کې درې کسان ووژل او څلور ټپیان شول.
اسلامي امارت وايي چې داعش په افغانستان کې ځپل شوی او د افغانستان له خاورې نورو هېوادونو ته زیان نهشي رسولی.
د امریکا د بهرنیو چارو وزارت وايي د ملګرو ملتونو د هغه پرېکړه لیک ننګه کوي چې په کې د افغانستان لپاره د ملګرو ملتونو د یو نوي ځانګړي استازي ګمارل کېدل تصویب شوي.
د افغانستان پخواني ولسمشر حامد کرزي د افغانستان په تړاو د ملګرو ملتونو له هغه پريکړهلیک هرکلی کړی، چې څو ورځې وړاندې د دې سازمان د امنیت شورا له لوري د رایو په اکثریت تصویب شو.
د افغانستان او متحده عرب امارتو تر منځ د دريو شل اوريزو لوبو د لړۍ وروستۍ لوبه کې افغانستان اماراتو ته په څلورو وېکټو ماته ورکړه او له دې بريا سره يې د لوبو لړۍ په خپل نامه کړه.
د کډوالو او راستنېدونکو چارو وزارت وايي چې اوسمهال د پاکستان په زندانونو کې نږدې شپږ زره افغان کډوال بندیان دي.
د ملګرو ملتونو امنیت شورا د جمعې په ورځ، ډسمبر ۲۹ (مرغومی اتمه) د رایو په اکثریت هغه پریکړه لیک تصویب کړ چې د ملګروملتونو د عمومي منشي ځانګړي همغږي کوونکي او خپلواک ارزونکي فریدون هادي سينيرلي اوغلو لخوا چمتو شوی و.
یونیسف په یو راپور کې ویلي، چې په افغانستان کې د اقتصادي کړکیچ د زیاتیدو له امله بشري مرستو ته د اړمنو خلکو شمېر زیات شوی دی.