د ملګرو ملتونو د امنیت شورا د غیر دایمي غړي په توګه د متحده عربي اماراتو دوه کلن غړیتوب پای ته ورسېد.

د ترکیې د کورنیو چارو وزیر د شنبې په ورځ، ډسمبر ۳۰ (مرغومی نهمه) وویل چې د دغه هېواد امنیتي مؤظفینو د نوي کال له نمانځنې مخکې د یو لړ عملیاتو په ترڅ کې د داعش له ترهګرې ډلې سره د تړاو په تور لسګونه شکمن کسان نیولي دي.

د پاکستان پوځ یو ځل بیا په یو’ ګاونډي هیواد کې’ د تحریک طالبان پاکستان د پټنځایونو، ازاد فعالیت او عصري وسلو ته ددغې ډلې د وسله والو په لاس رسي باندې اندیښنه ښودلې او د پاکستان د امنیت لپاره یې ګواښ بللی دی.

په کابل کې د ۱۰۰ هلکانو او نجونو د واده ګډ پروګرام وشو چې په دغه بې وزله هیواد کې د دودیزو ودونو لوړ لګښت وسپموي.

د سپینې ماڼۍ د ملي امنیت شورا ویاند جان کربي د سه شنبې په ورځ دسمبر ۲۰ (لیندۍ ۲۸) هغه ادعاوې “مسخره” وبللې چې وایي د امریکا پوځ د ۲۰۲۱ کال په اګست میاشت کې له افغانستان څخه د وتلو پر مهال وسلې او پوځي تجهیزات پریښي دي او د طالبانو لاس ته ورغلي دي.

د امریکا بهرنیو چارو وزارت له خپلو وګړو وغوښتل چې افغانستان ته له سفر کولو ډډه وکړي.

د ملګرو ملتونو عمومي غونډې د دغه سازمان د باور لیکونو د کمېټې پرېکړه تصویب کړې، چې د افغانستان د دایمي استازیتوب د څوکۍ په اړه پرېکړه وځنډول شي.

د امریکا د بهرنیو چارو وزارت له هغې څه چې په افغانستان کې د ترهګرو ډلو او د هغوی د فعالیتونو ځواکمنېدل بولي؛ اندېښنه ښودلې ده.

د خیبر پښتونخوا ډېره اسماعیل خان درابن سیمه کې د پوځ پر یوه مرکز په ځایي وخت د سهار درې بجې ډله ییز برید شوی دی.

بي‌بي‌سي ته مالومه شوې شاوخوا ۲۰۰ افغان ځانګړي ځواکونه چې بریتانویانو روزلي او مالي ملاتړ یې کاوه، د طالبانو حکومت تر واک لاندې افغانستان ته د ستنولو له جدي ګواښ سره مخامخ دي.