د امریکا بهرنیو چارو وزارت وایي چې د نړۍ هېوادونه دې د ښځو او نجونو د حقونو د خوندیتوب په برخه کې د اسلامي امارت د کړنو پر بنسټ تعامل وکړي.

تېره ورځ د بلوچستان په سېبۍ کې د پاکستان تحریک انصاف ګوند د ټاکنیز کمپاین غونډې ته نږدې د شوي برید مسوولیت داعش ډلې منلی.

د ملګروملتونو د ماشومانو د ملاتړ اداره “یونسیف” وايي چې افغانستان په نړۍ کې د ماینونو او ناچاودو توکو د موجودیت له امله په دې برخه کې یو ترټولو ککړ هیواد دی.

په دې وروستیو کې د افغانیو پر وړاندې د ډالر بیه یو ځل بیا لوړه شوه او دا مهال یو امریکايي ډالر پر ۷۴ اعشاریه پېنځه افغانۍ تبادله کېږي.

په روان ژمي کې د اوږد ځنډ وروسته د یکشنبې په ورځ په کابل او د افغانستان په یو شمیر ولایتونو کې د ژمي د لومړنۍ واورې اورښت پیل شوی دی.

په پاکستان کې د بلوچستان د اطلاعاتو وزیر جان محمد اڅکزی وايي، “افغان طالبان د پاکستاني طالبانو غورځنګ یا ټي‌ټي‌پي وروڼه ګڼي.”

د امریکا متحده ایالتونو د کانګرس ځيني غړي، د بشري حقونو فعالان او د رایان کوربېټ د کورنۍ غړو په یوې اعتراضيه غونډه کې د اسلامي امارت له بنده د دغه امریکایي وګړي د خوشي کېدو غوښتنه کړې ده.

په دې لړ کې د چاپېریال ساتنې ملي اداره وایي چې د تېرو کلونو پرتله په هېواد په ځانګړې توګه په کابل کې د هوا ککړتیا کمه شوې ده، خو زیاتوي چې لاهم د اقلیمي بدلونونو زیانونه پر خپل ځای دي.

د ملګرو ملتونو د ماشومانو د ملاتړ صندوق یا یونېسف ویلي چې د هرات وروستۍ سترې زلزلې ۹۶ زره ماشومان زیانمن کړي دي.

د ملګروملتونو د بشري مرستو د همغږۍ دفتر “اوچا” وايي چې افغانستان کې لا هم لوږه او خوارځواکي په لوړه کچه دوام لري چې د اټکل له مخې به په راوان ۲۰۲۴ کال کې ۱۵.۸ میلیونه افغانان د خوړو د نه خوندیتوب سره مخ شي.